Ensku liðin úr leik eftir vítaspyrnukeppni

Viðureignir ensku liðanna í UEFA-keppninni í kvöld voru báðar útkljáðar í vítaspyrnukeppni. Óhætt er að segja að ensku liðin hafi haldið í sínar hefðir því bæði féllu þau úr leik í kvöld.

Yakubu og Phil Jagielka misnotuðu sína spyrnuna hver fyrir Everton en leikmenn Fiorentina nýttu allar sínar og komust þar með áfram í fjórðungsúrslit.

Jermaine Jenas hefði getað tryggt Tottenham áfram með marki úr fimmtu spyrnu Tottenham en hann lét verja frá sér.

Eftir tvöfaldan bráðabana misnotaði Pascal Chimbonda sjöundu spyrnu Tottenham og þar með datt Tottenham úr leik.

Everton - Fiorentina 2-0

1-0 Andy Johnson (16.)

2-0 Mikel Arteta (66.)



Fiorentina vann fyrri leikinn á heimavelli, 2-0, og voru því taldir líklegri til að komast áfram í fjórðungsúrslit. En Everton barðist hetjulega og voru óheppnir að skora ekki þrjú mörk í venjulegum leiktíma, hvað þá í framlengdum leik.

Andy Johnson kom Everton yfir í fyrri hálfleik með skrautlegu marki. Steven Pienaar átti sendingu fyrir markið sem Sebastien Frey, markvörður Fiorentina, missti af og boltinn fór af bringu Johnson og í markið.

Það var svo Mikel Arteta sem skoraði síðara markið fyrir Everton með skoti af 25 metra færi. Þar með var ljóst að það var framlengt á Goodison Park.

Everton var nálægt því að skora þriðja markið, bæði í venjulegum leiktíma sem og í framlengingunni. En allt kom fyrir ekki og því þurfti að útkljá leikinn í vítaspyrnukeppni.

Gangur vítaspyrnukeppninnar:

1-0 Thomas Gravesen

1-1 Giampolo Pazzini

Yakubu misnotaði spyrnu

1-2 Riccardo Montolivo

2-2 Mikel Arteta

2-3 Pablo Daniel Osvaldo

Phil Jagielka mistnoaði spyrnu

2-4 Mario Alberto Santana

PSV Eindhoven - Tottenham 0-1

0-1 Dimitar Berbatov (82.)



PSV vann heldur óvæntan sigur á heimavelli Tottenham í fyrri viðureign liðanna, 1-0, og þurftu þeir ensku að láta til sín taka í Hollandi í kvöld.

Fyrri hálfleikurinn var ekki mikið fyrir augað en þegar tíu mínútur voru til leiksloka skoraði Dimitar Berbatov glæsilegt mark eftir fyrirgjöf Pascal Chimbonda frá hægri. Afgreiðsla Berbatov var einkar lagleg og dugði til að tryggja gestunum framlengingu.

Steed Malbranque fékk svo gullið tækifæri til að tryggja Tottenham sigurinn á lokamínútu framlengingarinnar en Gomes, markvörður PSV, varði glæsilega frá honum. Þar með lauk framlengingunni og því gripið til vítaspyrnukeppni.

Gangur vítaspyrnukeppninnar:

1-0 Timmy Simons

1-1 Dimitar Berbatov

Paul Robinson varði frá Danko Lazovic

1-2 Jamie O'Hara

2-2 Jefferson Farfan

2-3 Tom Huddlestone

3-3 Carlos Salcido

3-4 Darren Bent

4-4 Balazs Dzsudzsak

Gomes varði frá Jermaine Jenas

Bráðabani:

5-4 Otman Bakkal

5-5 Didier Zokora

6-5 Dirk Marcellis

Pascal Chimbonda sendir Gomes í vitlaust horn en skýtur framhjá.