Valdimar með stórleik í sigri HK

Tveir leikir fóru fram í N1 deild karla í handbolta í kvöld. Fram lagði Víking í Safamýrinni 36-30 og HK vann sigur á FH á útivelli 36-33 eftir að hafa leitt í hálfleik 20-16.

Aron Pálmason var markahæstur í liði FH með 12 mörk og Arnbjörn Friðriksson 5. Magnús Sigmundsson varði 19 skot í marki FH.

Valdimar Þórsson var markahæstur í liði HK með 15 mörk, þar af 8 úr vítaköstum og Brynjar Hreggviðsson skoraði 5 mörk. Sveinbjörn Pétursson varði 19 skot í marki HK.

Fram hefur unnið sigur í fyrstu tveimur leikjum sínum og situr á toppi deildarinnar, en önnur umferðin klárast um helgina með leikjum Stjörnunnar og Vals og svo Hauka og Akureyrar.