Fjögur Íslandsmet féllu á Héðinsmótinu

Fjögur Íslandsmet voru sett á Héðinsmótinu árlega í bekkpressu sem haldið var á Ólafsvík í gær. Jakob Baldursson setti Íslandsmet í 125 kg flokki þegar hann lyfti 285 kg og bætti met Auðuns Jónssonar um 4,5 kg. Héraðsmaðurinn Ísleifur Árnason bætti eigið met í 90 kg flokki með því að lyfta 218,5 kg.

María Guðsteinsdóttir tvíbætti Íslandsmetið í kvennaflokki þegar hún lyfti 105 og 110 kg í 75 kg flokki kvenna. María hirti því stigabikarinn í kvennaflokki en Jakob varð stigameistari í karlaflokki með 166,61 stig. Ísleifur Árnason varð annar stigahæsti keppandinn á mótinu með 139,49 stig og Ingvar Jóel Ingvarsson varð þriðji með því að sigra í 110 kg flokki þegar hann lyfti 220 kg og hlaut hann 130,57 stig.