Ribery á leið til Bayern fyrir metfé

Franski landsliðsmaðurinn, Franck Ribery, er á leið til Bayern Munchen fyrir metfé. Talið er að Ribery skrifi undir samning við félagið á fimmtudaginn. Kaupverðið er talið vera um 17 milljónir punda.

Ef Ribery skrifar undir samninginn gerir það hann að dýrasta leikmanni í sögu Bayern Munchen. Búist er við að samningurinn sé til fjögurra ára.

"Ribery fer til Munchen á fimmtudaginn og gengst undir læknisskoðun og skrifar í framhaldi af því undir samninginn," sagði stjórnarformaður Marseille við L´Equipe.

Stjórnarformaðurinn sagði einnig að peningarnir fyrir Ribery færu í að reyna að semja við Liverpool um framherjuann Djibril Cisse.