Jóhannes í Bónus á ekki von á sáttum

Jóhannes Jónsson, oftast kenndur við Bónus, segir ekki miklar líkur á að hann og Björn Bjarnason sættist á næstunni þrátt fyrir að hann sé að eðlisfari sáttfús maður. Hann segir Hannes Hólmstein Gissurarson ekki hafa umboð frá sér til sáttamiðlunar.

Hannes Hólmsteinn var í hádegisviðtali Stöðvar 2 í gær, og var þar meðal annars spurður um auglýsingu sem Jóhannes setti í öll dagblöð landsins, þar sem hann hvatti kjósendur til þess að strika yfir nafn Björns Bjarnasonar á kjörseðlinum.

Hannes ráðlagði Jóhannesi að gleyma deilunum og sættast heilum sáttum við dómsmálaráðherra.