Dida fer líklega til Barcelona

Barcelona er komið langleiðina með að semja við brasilíska markvörðinn Dida, en margt bendir til þess að hann yfirgefi herbúðir AC Milan þegar samningur hans rennur út eftir núverandi leiktíð. Carlo Ancelotti, stjóri Milan, segir að samningaviðræður við markmanninn hafi ekki gengið sem skildi.

“Dida hefur enn ekki náð samkomulagi við félagið um nýjan samning en hann þrátt fyrir það að spila mjög vel fyrir liðið. Við vitum ekki hvað verður en það ber ennþá nokkuð langt á milli aðila í viðræðunum,” segir Ancelotti.

Dida er sagður vera á leið til Barcelona og er fullyrt að samningur sé gott sem klár til undirskriftar. Í stað Dida ætlar Milan að reyna að klófesta landsliðsmarkvörð Ítala, Gianluigi Buffon, frá Juventus.