Ronaldo vill 160 þúsund pund á viku

Cristiano Ronaldo vill fá 160 þúsund pund í vikulaun frá Man. Utd. ætli félagið sér að fá hann til að skrifa undir nýjan samning. Þetta fullyrðir spænska dagblaðið Marca í stórri umfjöllun um málið og bætir við að Real Madrid og Barcelona séu reiðubúin að mæta kröfum Ronaldo, auk þess að borga Man. Utd. 40 milljónir punda fyrir portúgalska landsliðsmanninn.

Marca segir að Barcelona sé reiðubúið að fórna Samuel Eto´o upp í kaupin á Ronaldo, en hann ku ekki vera í miklu uppáhaldi hjá forráðamönnum spænska félagsins. Marca birtir einnig viðtal við Hugo Viana, leikmann Valencia og góðan vin Ronaldo, sem fullyrðir að Ronaldo sé "alltaf að tala um hvað hann langi mikið að spila í spænsku úrvalsdeildinni".