MinnSirkus leyfði ekki birtingu

Forsvarsmenn MinnSirkus vefsins neituðu því í dag að hafa leyft einum notenda sínum að birta myndir sem sagðar eru vera af Guðmundi í Byrginu að stunda BDSM kynlíf með ungri stúlku. Notandinn hafði sett inn myndir og sagt að hann hefði fengið leyfi hjá forráðamönnum vefsins.

Einhverjir kvörtuðu yfir myndunum við forsvarsmenn vefsins sem tóku þær þá niður. Myndirnar fóru sem eldur í sinu um allt netið og hafa nú verið hýstar annars staðar á netinu.

Aðspurðir sögðu forsvarsmenn MinnSirkus ekki hafa skýrar vinnureglur um hvað skuli gera í atviki sem þessu. Í framhaldi af þessu hefur þó verið ákveðið að að útbúa nýjar vinnureglur og notendaskilmála til þess að koma í veg fyrir að slík atvik komi upp aftur.