Sökudólgarnir
Sigurjón Þ. Árnason, bankastjóri Landsbankans, er einn af öflugri forystumönnum í íslensku atvinnulífi. Við kynningu á uppgjöri bankans undanfarið hefur hann auðvitað verið að réttlæta verri kjör Landsbankans á alþjóðlegum lánamörkuðum, eins og aðrir bankastjórar. Hefur Sigurjón skellt skuldinni að hluta til á Kaupþing. Skuldatryggingarálagið vinsæla hefði rokið upp þegar Kaupþing keypti hollenska bankann NIBC. Aðrir íslenskir bankar hefðu fylgt með. Þess vegna væri álagið hátt. Nokkur kurr er innan bankakerfisins vegna þessa. Menn eigi að standa saman á erfiðum tímum í stað þess að pota í aumu blettina til að bæta eigin ásýnd.
