Mikið tjón þegar hundruð fiskikara brunnu í Grindavík

Mikið tjón varð á athafnasvæði fiskvinnslustöðvarinnar Þróttar í

Grindavík seint í gærkvöldi þegar eldur kom upp í stæðu af fiskikörum

á lóð fyrirtækisins. Um 1000 kör voru í stæðunni og var mikill eldur

þegar Slökkvilið Grindavíkur kom á svæðið. Rýma þurfti hús í

Grindavík þar sem eitraður reykurinn stóð yfir hluta byggðarinnar.

Ásmundur Jónsson, slökkviliðsstjóri Slökkviliðs Grindavíkur, sagði að aðkoman hafi verið ljót. Mikill eldur var í karastæðunni en samkvæmt upplýsingum lögreglu frá eiganda fyrirtækisins voru 400 eittþúsund lítra kör á svæðinu og samtals 1000 kör á svæðinu. Ásmundur slökkvistjóri sagði meirihluti karanna hafi brunnið eða eyðilagst í eldinum.

Allt tiltækt slökkvilið í Grindavík var kallað út ásamt

björgunarsveitinni Þorbirni sem fór í hús þar sem reykur stóð yfir og

bað fólk að yfirgefa þau, enda reykurinn af plastbrunanum hættulegur. Slökkvistarf gekk vel og tókst slökkvilinu að ráða niðurlögum eldsins

upp úr miðnætti.

Þrír ungir piltar eru grunaðir um íkveikjuna en málið er til

rannsóknar hjá lögreglunni í Keflavík.

Vefur Víkurfrétta segir frá.