Frjálslyndir funda klukkan hálf sex

Miðstjórnarfundur Frjálslynda flokksins verður haldinn á Kaffi Reykjavík klukkan hálf sex í dag. Á fundinum verður fjallað um deilur sem staðið hafa meðal leiðtoga leiðtoga flokksins og um stöðu Margrétar Sverrisdóttur framkvæmdastjóra flokksins.

Margrét hefur lýst því yfir að hún muni hugsanlega sækjast eftir varaformennsku og jafnvel formennsku á flokksþinginu í janúar. Fyrir fundinum liggja tillögur sérstakrar sáttanefndar en efni þeirra hefur ekki verið gert opinbert. Guðjón A. Kristjánsson, formaður Frjálslynda flokksins, býst við að fundurinn standi til klukkan átta.