Erlent

Harðir skotbardagar milli Palestínumanna á Gaza

MYND/AP
Hundruð palestinskra lögreglumanna háðu í dag margra klukkustunda skotbardaga við hóp palestínumanna þegar þeir reyndu að handtaka meðlimi stórrar fjölskyldu sem eru sakaðir um eiturlyfja- og vopnasmygl, og að stela landi í eigu hins opinbera.

Þegar lögreglumenn komu til búða fjölskyldunnar, í Gaza var gerð á þá meiriháttar árás af mönnum vopnuðum hríðskotarifflum og sprengjuvörpum. Bardagarnir breiddust skjótt út og almenningur flúði í ofboði í skjól. Bardagarnir voru háðir skammt frá embættisbústað Mahmud Abbas, forseta palestínumanna.

Lögreglumenn, margir með svartar lambhúshettur hertóku þök sjö húsa við búðir fjölskyldunnar. Ekki er vitað um mannfall, en að minnska kosti tólf særðust. Lögreglumönnunum tókst að handtaka sextán meðlimi fjölskyldunnar, og gerði upptæk ýmis farartæki og annað góss.

Erlent

Mest lesið


Fleiri fréttir

Sjá meira


×

Mest lesið