Eins árs fangelsi fyrir tvær líkamsárásir

Hæstiréttur staðfesti í dag eins árs fangelsisdóm héraðsdóms yfir karlmanni vegna tveggja líkamsárása á Laugaveginum í september 2004. Maðurinn var ákærður fyrir að hafa kýlt tvo menn í andlitið þeirra með þeim afleiðingum að annar þeirra hlaut meðal annars blæðingu á bak við vinstri hljóðhimnu og inn í höfuðkúpu og hinn nefbrotnaði.

Þegar litið var til framburðar vitna auk staðfestingar á því að maðurinn var staddur í miðbæ Reykjavíkur nóttina sem árásin átti sér stað þótti komin fram lögfull sönnun fyrir því að hann hefði staðið á bak við glæpinn. Í ljósi þess að hann hafði áður verið dæmdur í fangelsi fyrir líkamsárás og þess að brot hans taldist alvarlegt og ófyrirleitið var refsing hans eins árs fangelsi.