Gefin saman í ítölskum miðaldakastala

Hollywood-stjörnurnar Tom Cruise og Katie Holmes gengu í það heilaga á Ítalíu í gær. Fjölmargar stjörnur voru viðstaddar athöfnina en knattspyrnukappinn David Beckham varð frá að hverfa að kröfu þjálfara síns hjá Real Madrid.

Athöfnin fór fram í miðaldakastala í Bracciano á Ítalíu. Cruise og Holmes voru gefin saman samkvæmt kennisetningum Vísindakirkjunnar sem brúðguminn tilheyrir. Það var klukkan hálf átta í gærkvöldi sem talsmaður Cruise staðfesti að þau hafðu verið gefin saman en þar til þá var enn á huldu hvort athöfnin hefði farið fram.

Íbúar í Bracciano sem og aðkomumenn flykktust að kastalanum og sátu ljósmyndarar þar í leyni og biðu færist að mynda brúðhjónin í bak og fyrir. Það var margt frægra við athöfnina og í veislunni og má þar nefna leikarana Jim Carrey og Will Smith.

Knattspyrnukappinn David Beckham varð hins vegar frá að hverfa því hann var kallaður aftur til Spánar þar sem hann mun hafa farið í brúðkaupið í óþökk þjálfara síns hjá Real Madrid. Beckham varð þú að láta sér linda að sitja í stúkunni þar sem lið hans spilaði og var þar í símasambandi við Viktoríu eiginkonu sína sem mætti ein í brúðkaupið.