Rændi gínu til að bæta fyrir kvenmannsleysi

Þau eru misjöfn verkefnin sem lögregla fæst við og þeir þjófar sem hún hefur afskipti af misörvæntingarfullir. Þannig var karlmaður á fimmtugsaldri handtekinn í gær eftir að hann hafði haft gínu úr verslun á brott með sér.

Auk hennar fannst nokkuð af öðrum varningi í fórum mannsins sem hann átti erfitt með að gera grein fyrir en þegar hann var inntur eftir því hvers vegna hann hefði numið gínuna á brott sagðist hann einfaldlega vera kvenmannslauns og átti gínan að vera lausn við þeim vanda.