Sigurður hættur að þjálfa Stjörnuna

Handknattleiksdeild Stjörnunnar hefur sent frá sér fréttatilkynningu þar sem tilkynnt er að Sigurður Bjarnason hafi látið af störfum sem þjálfari karlaliðs félagsins og aðstoðarmaður hans Magnús Teitsson sömuleiðis.

Sigurður er sagður hafa beðið um að fá að hætta vegna breytinga á vinnuumhverfi sínu og segir í tilkynningunni að félagið muni tilkynna eftirmann þeirra Sigurðar og Teits á næstu dögum.

Eftir að Stjarnan vann sigur í meistarakeppni HSÍ á dögunum hefur lítið gengið hjá liðinu og allir þrír deildarleikir þess hafa tapast, auk þess sem liðið er úr leik í Evrópukeppninni.