Vilja virkja í Skagafirði til að hækka laun og draga úr fólksflótta

Baráttusamtök hafa verið stofnuð gegn virkjun fallvatna Skagafjarðar. Hugmyndir sveitarstjórnar eru háðar því skilyrði að orkan verði einungis nýtt innan héraðs, og vonast ráðamenn til að þannig megi draga úr fólksflótta og stuðla að því að héraðið hætti að vera láglaunasvæði.

Ákvörðun meirihluta sveitarstjórnar Skagafjarðar síðastliðinn fimmtudag að setja tvær virkjanir inn á aðalskipulagstillögu, hefur þegar leitt til þess að stofnuð hafa verið samtök sem segjast hafa það markmið að vernda árnar og að þegar í stað verði horfið frá hugmyndum um virkjun þeirra. Gunnar Bragi Sveinsson, oddviti framsóknarmanna og formaður byggðaráðs, segir héraðið hins vegar mesta láglaunasvæði landsins, og fólksflótti sé óvíða meiri. Það sé samfélagsleg skylda sveitarfélagsins að meta alla möguleika til eflingar atvinnu- og mannlífs í Skagafirði. Hann segir það vaka fyrir meirihlutanum að gefa íbúum færi á að kynna sér málið og taka afstöðu, og það sé höfuðatriði að orkan verði ekki flutt úr héraði. Hann vekur athygli á sérstakri bókun sem fylgdi samþykktinni en þar segir að mjög ólíklegt sé að virkjanir við Villinganes eða Skatastaði verði á dagskrá næstu árin þar sem ljóst sé að iðjuver á Norðurlandi verður reist við Húsavík. Virkjanir í Héraðsvötnum komi aðeins til greina að undangengnum víðtækum rannsóknum og almennri upplýstri umræðu um kosti og galla, þar sem verði leitað álits íbúa Skagafjarðar.

Ákvörðun meirihluta sveitarstjórnar Skagafjarðar síðastliðinn fimmtudag að setja tvær virkjanir inn á aðalskipulagstillögu, hefur þegar leitt til þess að stofnuð hafa verið samtök sem segjast hafa það markmið að vernda árnar og að þegar í stað verði horfið frá hugmyndum um virkjun þeirra. Gunnar Bragi Sveinsson, oddviti framsóknarmanna og formaður byggðaráðs, segir héraðið hins vegar mesta láglaunasvæði landsins, og fólksflótti sé óvíða meiri. Það sé samfélagsleg skylda sveitarfélagsins að meta alla möguleika til eflingar atvinnu- og mannlífs í Skagafirði. Hann segir það vaka fyrir meirihlutanum að gefa íbúum færi á að kynna sér málið og taka afstöðu, og það sé höfuðatriði að orkan verði ekki flutt úr héraði. Hann vekur athygli á sérstakri bókun sem fylgdi samþykktinni en þar segir að mjög ólíklegt sé að virkjanir við Villinganes eða Skatastaði verði á dagskrá næstu árin þar sem ljóst sé að iðjuver á Norðurlandi verður reist við Húsavík. Virkjanir í Héraðsvötnum komi aðeins til greina að undangengnum víðtækum rannsóknum og almennri upplýstri umræðu um kosti og galla, þar sem verði leitað álits íbúa Skagafjarðar.