65 sinnum stungið af eftir ákeyrslu í september

Sextíu og fimm sinnum hafa menn ekið á mannlausa kyrrstæða bíla í september og farið af vettvangi án þess að láta vita. Þetta kemur fram í tilkynningu frá lögreglu í dag. Þetta þýða að jafnaði tvö tilvik á dag.

Fimm slík tilvik voru tilkynnt til lögreglu í dag, á fyrsta degi októbermánaðar, sem varla teljast góð fyrirheit fyrir mánuðinn. Fimm umferðaróhöpp urðu í borginni í dag og þá voru fjórir teknir fyrir of hraðan akstur. Þá kemur fram í dagbók lögreglunnar að 543 óhöpp hafi verið tilkynnt í september.