Tveir menn í gæsluvarðhaldi vegna fíkniefnasmygls

Tveir menn hafa verið úrskurðaðir í gæsluvarðhald í Héraðsdómi Austurlands til fjögurra vikna eftir að fíkniefni fundust við hefðbundið tollaeftirlit í Norrænu á Seyðisfirði í gær.

Málið hefur verið afhent fíkniefnadeild lögreglunnar í Reykjavík en hún verst allra frétta af því hvers konar fíkniefni er að ræða og hversu mikið magn fannst. Að sögn Ásgeirs Karlssonar, yfirmanns fíkniefnadeildarinnar, er rannsókn málsins á frumstigi. Sýslumaðurinn á Seyðsifirði naut aðstoðar tollvarðar frá Tollstjóranum og lögreglumanna víða af landinu auk fíkniefniahunda við leitina í gær.