Mikill áhugi fyrir rekstri ferðaskrifstofa

131 fyrirtæki hefur sótt um leyfi til Ferðamálastofu um leyfi til reksturs ferðaskrifstofa og ferðaskipuleggjanda. Ný lög um skipulag ferðamála tóku gildi 1. janúar síðastliðinn og þá var Ferðamálastofu falin útgáfa til reksturs ferðaskrifstofa og ferðakskipuleggjenda, auk eftirlits með umræddri starfsemi.

Tæplega 50 leyfi til reksturs ferðaskrifstofa hafa verið gefin út nú þegar, um 20 umsóknir hafa fengið vilyrði fyrir leyfi en beðið er greiðslu og trygginga. Þá eru 22 umsóknir um leyfi til reksturs ferðaskrifstofa í vinnslu. 35 leyfi til ferðaskipuleggjenda hafa auk þess verið gefin út og nokkrar eru í vinnslu.