Avion verðlaunað af Business Britain Magazine

Avion Group hefur verið valið besta alhliða þjónustufyrirtækið á sviði flutninga árin 2005 til 2006 af tímaritinu Business Britain Magazine. Í umsögn um verðlaunahafann segir m.a. að Avion hafi sýnt mjög metnaðarfulla frammistöðu frá stofnun félagsins í upphafi síðasta árs. Ekki einungis hafi þróunin verið hröð í hefðbundinni flutningastarfsemi heldur hafi félagið einnig breikkað þjónustuframboð sitt til muna á skömmum tíma. Business Britain Magazine hefur veitt verðlaun í nokkrum mismunandi flokkum frá árinu 2002. Fyrr á árinu hlaut Kauphöll Íslands verðlaun tímaritsins fyrir að stuðla að hagvexti í íslensku efnahagslífi. Tímaritið kemur út á tveggja mánaða fresti og er eingöngu dreift til áskrifenda.