Útskrifaður í dag eftir bílslysið á Suðurlandsvegi

Sjö manns voru fluttir á slysadeild Landsspítalans í Fossvogi eftir bílslys á Suðurlandsvegi við Rauðhóla á sjöunda tímanum í gærkvöld. Tveir voru fljótlega útskrifaðir með minniháttar meiðsl og einn fór í aðgerð vegna beinbrota en verður útskrifaður í dag. Fjórir til viðbótar voru lagðir inn til frekari rannsókna en ekki fengust upplýsingar um líðan þeirra hjá Landspítalanum í morgun.

Svo virðist sem að bíll sem kom úr austurátt hafi farið inn á öfugan vegarhelming og lent framan á bíl sem kom akandi úr gagnstæðri átt. Þriðji bíllinn keyrði svo útaf til að forðast árekstur. Tveir bílanna eru mikið skemmdir og klippa þurfti ökumenn úr þeim. Umferðarteppa myndaðist á meðan lögregla og sjúkaralið voru að störfum á vettvangi og var þjóðvegurinn lokaður í um tvær klukkustundir.