Eins árs fangelsi fyrir tvær líkamsárásir

Héraðsdómur Reykjavíkur dæmdi í dag karlmann í eins ár fangelsi fyrir tvær líkamsárásir í miðbæ Reykjavíkur haustið 2004. Hann var ákærður fyrir að hafa slegið mann í andlitið svo að hann féll og höfuð hans skall í gangstéttina og hann hlaut nokkur meiðsl og fyrir hafa slegið annan í andlitið með þeim afleiðingum að hann nefbrotnaði. Í dóminum var tekið tillit til þess að maðurinn hafði áður gerst brotlegur við lög og var það til refsiþyngingar. Kröfum fórnarlambanna um skaðabætur var hins vegar vísað frá dómi.