Tvö og hálft ár fyrir fíkniefnabrot og frelsissviptingu

Axel Karl Gíslason var í gær dæmdur í tveggja og hálfs árs fangelsi fyrir fíkniefnabrot og að nema sautján ára pilt af vinnustað sínum. Þann pilt neyddi Axel Karl til að taka pening út úr hraðbanka og láta sig hafa. Hæstiréttur þyngdi dóm Héraðsdóms Reykjavíkur sem dæmt hafði Axel Karl í tveggja ára fangelsi. Í dómi Hæstaréttar segir að brotavilji Axels Karls hafi verið styrkur og einbeittur en á móti er litið til ungs aldurs Axels Karls, sem er nýlega orðinn sautján ára. Með hliðsjón af þessu þótti dómurum sem tvö og hálft ár væru hæfileg refsing.