Fundur í Laugarneskirkju

Málfundur verður haldinn klukkan 20.30 í kvöld í safnaðarheimili Laugarneskirkju. Tilefnið er stólræða séra Hildar Eirar Bolladóttur sunnudaginn 24. september en í henni tók hún skýra afstöðu gegn framkvæmdunum við Kárahnjúka.

Bjarni Bjarnason, framkvæmdastjóri orkusviðs Landsvirkjunar, bauðst til að gera grein fyrir skoðunum sínum og Landsvirkjunar varðandi virkjunarframkvæmdirnar við Kárahnjúka. Í fréttatilkynningu er tekið fram að kirkjan sé kjörinn staður til þess að tala saman um þjóðfélagsmál.