Lýsa stuðningi við formann

Framkvæmdastjórn Öryrkjabandalags Íslands hefur sent frá sér yfirlýsingu þar sem fullum stuðningi er lýst við formann bandalagsins, Sigurstein Másson. Harmar stjórnin persónugerða gagnrýni í fjölmiðlum frá hendi tveggja af þrjátíu fulltrúum aðalstjórnar á hann og störf stjórnar.

Í yfirlýsingunni kemur fram að fullur vilji hafi verið frá upphafi að semja við Arnþór Helgason um starfslok hans í anda samþykktar aðalstjórnar, og er hann hvattur til að ganga til samninga. Málflutning Guðmundar S. Johnsen, Guðmundar Magnússonar og Arnþórs Helgasonar telur framkvæmdastjórn ÖBÍ ómálefnalegan og skaðlegan ímynd bandalagsins.