Kelly Holmes leggur skóna á hilluna

Breska frjálsíþróttakonan Kelly Holmes, sem vann til gullverðlauna í 800 og 1500 metra hlaupi á síðustu Ólympíuleikum, hefur ákveðið að leggja skóna á hilluna með skyndilegum hætti. Holmes sagðist ekki hafa nauðsynlegan vilja til að halda áfram og ákvað því að hætta, auk þess sem hún varð fyrir áfalli í einkalífinu á dögunum þegar maður sem hún hafði nýlega kynnst lést skyndilega.

Holmes hlaut viðurkenningu drottningar fyrir afrek sín á síðustu Ólympíuleikum og var öðluð fyrir frábæran árangur sinn, enda var hún einn af fáum ljósum punktum í þáttöku Breta í frjálsíþróttum á leikunum.