Óvenjumikið um ótryggða og óskoðaða bíla

Óvenju mikið erum ótryggða og óskoðaða bíla í umferðinni um þessar mundir og hefur Umferðarstofa sent lögregluembættum þrjátíu og þrjár þéttskrifaðar blaðsíður með númerum þessara bíla. Lögreglumenn í Kópavogi klipptu til dæmis númer af fjórum bílum af listanum í nótt og undanfarnar nætur hefur verið klippt af bílum um allt land. Eigendur þessara bíla taka mikla áhættu því valdi þeir tjóni eiga tryggingafélögin endurkröfurétt á hendur þeim fyrir öllu tjóninu.