Öllum ákæruliðum vísað frá

Öllum ákæruliðunum 40 í Baugsmálinu svokallaða var vísað frá fyrir Héraðsdómi í morgun. Jón H. Snorrason, yfirmaður efnahagsbrotadeildar Ríkislögreglustjóra, segir að úrskurðurinn verði kærður til Hæstaréttar. Hann sagði þetta ekki vera áfall fyrir stofnunina. Lögfræðikostnaður og annar málskostnaður, 30 milljónir króna, skulu greiðast úr ríkissjóði. Áður en úrskurðurinn var upp kveðinn voru þrír möguleikar í stöðunni. Í fyrsta lagi að ákærunni yrði vísað frá að hluta, í öðru lagi að henni yrði vísað frá í heild og í þriðja lagi að upphaflega ákæran stæði óbreytt.