Þýskir hermenn ekki til Íraks

Þýskir hermenn verða ekki sendir til Íraks þótt kristilegir demókratar komist til valda eftir kosningarnar í haust. Leiðtogi flokksins og kanslaraefni, Angela Merkel, fullyrðir þetta í viðtali við þýska blaðið Berliner Zeitung í dag. Orð Merkel þykja vera nokkuð á skjön við afstöðu hennar og kristilegra demókrata til Íraksstríðsins hingað til en flokkurinn hefur gagnrýnt Gerhard Schröder, kanslara Þýskalands, harðlega fyrir andstöðu hans við innrás Bandaríkjamanna og Breta í Írak á sínum tíma.