Ótrúlegur leikur í Frakklandi

Það er hreint út sagt ótrúlegur leikur í gangi á Stade de Gerland, heimavelli Lyon, en þar taka heimamenn á móti þýsku meisturunum í Werder Bremen. Staðan í hálfleik var 3-1, en Lyon er núna komið í 6-2. Fyrrum leikmaður Arsenal, Sylvain Wiltord er kominn með þrennu, Mikael Essien tvö og Florent Malouda eitt. Hjá Bremen skoraði Johan Micoud í fyrri hálfleik og Valerien Ismael skoraði úr vítaspyrnu í þeim síðari. Staðan samanlagt úr leikjunum tveimur er núna 8-2 Lyon í vil og óhætt að segja að útlitið sé ekki bjart hjá Þjóðverjunum.