Ákærð fyrir manndráp

Mál gegn móður, sem grunuð er um að hafa orðið ellefu ára dóttur sinni að bana á heimili þeirra á Hagamel í byrjun júní, var þingfest í Héraðsdómi Reykjavíkur í gær. Konan er ákærð fyrir manndráp og tilraun til manndráps en hún stórslasaði fjórtán ára son sinn sömu nótt. Talið er að móðirin hafi reynt að svipta sig lífi eftir að hafa orðið dóttur sinni að bana og stórslasað son sinn. Hún var úrskurðuð í gæsluvarðhald daginn eftir að hún framdi verknaðinn. Henni var gert að sæta geðrannsókn og hefur hún verið vistuð á Sogni.