Innlent
Framsókn of hógvær segir Hjálmar
Hjálmar Árnason, formaður þingflokks Framsóknarflokksins, bendir á að fáir taki afstöðu í könnun Fréttablaðsins. "Reynsla okkar framsóknarmanna er að við eigum mikið inni. Flokksmenn eru hógværir og gefa stundum ekki upp afstöðu sína. Ég er samt undrandi á litlu fylgi okkar því við höfum staðið okkur vel. Við erum líklega ekki nógu dugleg að hreykja okkur af afrekum okkar," segir Hjálmar og bendir sérstaklega á lækkun endurgreiðslna námslána og 90% íbúðalán.
