Skemmdi fjóra bíla

Fjórir bílar skemmdust og mildi var að engin skyldi slasast þegar steypustyrktarjárn sem hékk á hlið vörubíls lenti í bílunum sem komu úr gangstæðri átt í Langadal, skammt frá Blönduósi, í gær. Vörubíllinn var á norðurleið og hafði járnið losnað af toppi hússins og lafði það til hliðar við bílinn. Framrúða eins bílsins mölbrotnaði og mildi að ökumaðurinn fékk ekki járnið í andlitið. Ökumaður vörubílsins varð einskis var fyrr en lögreglan stöðvaði hann eftir að hafa fengið tilkynningu um hættuförina.