Flóttamenn, fíkniefni og kjöt

Frá áramótum hefur Tollgæslan á Seyðisfirði neitað 18 útlendingum um landvistarleyfi, ýmist samkvæmt úrskurði Útlendingastofnunar og lögreglustjóra, eða að skilríki hafa reynst vera fölsuð. Tollgæslumenn hafa frá áramótum lagt hald á tæplega 21 gramm af fíkniefnum, fjögur vopn, þrjátíu og þrjár flöskur af sterku áfengi, yfir fimmtán þúsund vindlinga og samtals tæplega fimm hundruð lítra af bjór. Allt var þetta tekið af ferðamönnum sem komu til landsins með Norrænu. Í yfrliti tollgæslunnar er ýmislegt fleira og má þar nefna tæplega 200 kíló af ósoðnu kjöti, tæplega 30 kíló af ósoðnum eggjum og 146 kíló af mjólkurvörum.