Viðskipti erlent

Bréf hækkuðu í Asíu fyrsta viðskiptadag ársins

Hlutabréf hækkuðu í verði víðast hvar í Asíu í morgun og urðu mestu hækkanirnar hjá fjarskiptafyrirtækjum.

Viðskipti erlent 2.1.2009 08:20

Tchenguiz tapaði 120 milljörðum á hruni bankanna

Auðkýfingurinn Robert Tchenguiz, sem er stjórnarmaður í Exista, tapaði gífurlegum upphæðum á hruni íslenska bankakerfisins eða rúmlega 120 milljörðum kr. Þetta kemur fram í yfirliti breska blaðsins The Times um þá bresku auðmenn sem tapað hafa mestu á fjármálakreppunni þar í landi.

Viðskipti erlent 2.1.2009 07:14

West Ham í greiðslustöðvun ef það selst ekki

Fari svo að Björgólfi Guðmundssyni takist ekki að selja West Ham fótboltaliðið fyrir sjötta mars næstkomandi eru allar líkur á að liðið verði sett í greiðslustöðvun. Þetta kemur fram í breska blaðinu The Guardian í dag. Það gæti haft alvarlegar afleiðingar fyrir liðið.

Viðskipti erlent 2.1.2009 07:08

Hráolíuverð rauk upp á Gamlársdag

Heimsmarkaðsverð á hráolíu hækkaði um rúm fjórtán prósent á bandarískum fjármálamörkuðum í gær, Gamlársdag. Rússneska ríkisorkufyrirtækið Gazprom á nokkurn þátt í þróun mála en verðið rauk upp eftir að það skrúfaði fyrir gasleiðslur til Úkraínu. Hætt er við að það geti valdið gasskorti í Evrópu.

Viðskipti erlent 1.1.2009 16:15

Slóvakar taka upp evru

Slóvakar tóku upp evru í dag og varð landið þar með sextánda aðildarríki myntbandalags Evrópusambandsins. Robert Fico, forsætisráðherra Slóvakíu, var einn af fyrstu landsmanna til að meðhöndla nýja gjaldmiðilinn þegar hann tók hundrað evrur út úr hraðbanka í þinghúsinu.

Viðskipti erlent 1.1.2009 14:26

Mesta hrun síðan í kreppunni miklu

Öfgakennt hrun markaða á þessu ári endurspeglast glöggt í yfirliti yfir árssveiflu markaðsvísitölu Standard og Poor‘s í Bandaríkjunum, en þar eru til óslitin markaðsgögn allt frá árinu 1825.

Viðskipti erlent 31.12.2008 00:01

Vangaveltur um að Magasin komist í eigu íslenska ríkisins

Viðskiptablaðið Börsen skrifar í dag frétt þar sem því er velt upp hvort að flaggskskip danska verslunargeirans, Magasin du Nord og Illum, komist bráðlega í eigu íslenska ríkisins.

Viðskipti erlent 30.12.2008 09:50

Rýrnun hlutabréfa á árinu 30.000 milljarðar dollara

Hlutabréf hækkuðu á Asíumörkuðum í morgun í kjölfar væntinga um að ríkisstjórnir heimsins muni grípa til aðgerða til bjargar efnahagslífinu á nýju ári.

Viðskipti erlent 30.12.2008 08:08

Debenhams í Bretlandi berst í bökkum

Verslunarkeðjan Debenhams á Bretlandseyjum, sem er að hluta til í eigu Baugs, á nú í töluverðum erfiðleikum vegna fjárhagsstöðu sinnar. Fjallað er um málið í Financial Times í dag og þar segir að keðjan verði að útvega sér nýtt fjármagn til að létta á skuldastöðu sinni.

Viðskipti erlent 30.12.2008 07:19

Danir ásaka Norðmenn um undirboð á þorskmarkaði

Verð á þorski hefur fallið um 20% á Evrópumörkuðum á skömmum tíma og þetta hefur leitt til þess að Danir ásaka nú Norðmenn um undirboð á markaðinum.

Viðskipti erlent 30.12.2008 07:09

Lækkanir á Wall Street

Lætin í Mið-Austurlöndum höfðu sín áhrif á hlutabréfamarkaðinn á Wall Street í dag. Fjárfestar voru þannig minntir á að markaðir eru viðkvæmir.

Viðskipti erlent 29.12.2008 21:38

Actavis semur við bandarísku Matvæla- og lyfjastofnunina

Actavis í Bandaríkjunum hefur samið við bandarísku Matvæla- og lyfjastofnunina (FDA) um framhald á lyfjaframleiðslu hjá Actavis Totowa í New Jersey. Þar með fellur FDA frá beiðni um lögbann á framleiðslu lyfja hjá Actavis Totowa, sem sagt var frá um miðjan síðasta mánuð.

Viðskipti erlent 29.12.2008 16:41

Pundið að nálgast evruna

Breska sterlingspundið hefur aldrei verið lægra gagnvart evrunni en slæmar efnahagshorfur á Englandi hafa að undanförnu sett aukinn þrýsting á gjaldmiðilinn. Þetta kemur fram í frétt breska ríkisútvarpsins, BBC, en eitt pund er nú á við 1,029 evrur og stefnir í að gjalmiðlarnir verði jafnverðmiklir á næstu dögum haldi þróunin áfram.

Viðskipti erlent 29.12.2008 14:45

OR tryggir sér 5 milljarða kr. með skuldabréfaútgáfu

Orkuveita Reykjavíkur hefur, fyrir milligöngu Landsbanka Íslands, tryggt sér 5 milljarða króna með útgáfu nýs skuldabréfaflokks.

Viðskipti erlent 29.12.2008 11:29

Átökin á Gaza valda hækkunum á olíu og gulli

Átökin á Gaza hafa valdið því að heimsmarkaðsverð á olíu og guli hefur farið hækkandi í morgun. Fjárfestar flýja nú í örugg skjól með fé sitt því þeir óttast að allt fari í bál og brand á Gazasvæðinu og að slíkt muni smita út frá sér um allan heim.

Viðskipti erlent 29.12.2008 10:11

Darling óttast ekki málsókn Íslendinga

Alistair Darling, fjármálaráðherra Bretlands, hefur engar áhyggjur af fyrirhugaðri málsókn íslenskra stjórnvalda gegn breskum. Þetta kemur fram í Financial Times í dag þar sem m.a. er greint frá löggjöf þeirri sem samþykkt var á Alþingi rétt fyrir jólin sem gefur heimild til málsóknarinnar.

Viðskipti erlent 29.12.2008 08:10

Tæplega 14.000 uppsagnir í danska byggingargeiranum

Þeir eru 13.600, starfsmenn danskra byggingarverktaka sem fengið hafa í hendur uppsagnarbréf síðastliðna sex mánuði. Ef miðað er við hefðbundinn þriggja mánaða uppsagnarfrest er ljóst að stór hópur er þegar orðinn atvinnulaus en margir vinna enn uppsagnarfresti sína.

Viðskipti erlent 29.12.2008 07:57

Skuldum Baugs við bankana hugsanlega breytt í hlutafé

Financial Times greinir frá því á vefsíðu sinni að íslenska ríkið íhugi nú að leysa til sín eignarhluti Baugs í nokkrum af þekktustu verslanakeðjum Bretlands, eins og House of Fraser og Hamleys. Samkvæmt fréttinni yrði skuldum Baugs við gömlu bankana þrjá breytt í hlutafé í eigu íslenska ríkisins.

Viðskipti erlent 29.12.2008 07:49

Bréf hækka á Asíumörkuðum

Hlutabréf á Asíumörkuðum hækkuðu í verði í morgun, meðal annars í kjölfar frétta af sameiningu ýmissa fyrirtækja.

Viðskipti erlent 29.12.2008 07:11

Þriggja prósenta samdráttur á milli ára hjá Baugi í Bretlandi

Forsvarsmenn Baugs reikna með því að fyrirtæki þeirra í Bretlandi muni skila þriggja prósenta minni hagnaði fyrir afskriftir og skatta en í fyrra. Þetta staðfesti Jón Ásgeir Jóhannesson, stjórnarformaður Baugs í samtali við Vísi.

Viðskipti erlent 28.12.2008 17:04

200 verslunum Woolworths lokað

200 af rúmlega 600 verslunum bresku verslanakeðjunnar Woolworths verður lokað í dag. Forsvarsmenn fyrirtækisins óskuðu eftir greiðslustöðvun í nóvember en keðjan skuldar hátt í 385 milljónir punda.

Viðskipti erlent 27.12.2008 17:11

Bönkum fækkar í kreppunni

13 danskir og 25 bandarískir bankar hafa horfið af sjónarsviðinu á árinu. Óttast er að fleiri séu í hættu á nýju ári.

Viðskipti erlent 26.12.2008 18:53

Útsölurnar hafnar í Bretlandi

Jólaútsölur hófust í Bretlandi í dag. Biðraðir mynduðustu um miðja síðustu nótt og segist starfsfólk verslunar í Lundúnum aldrei hafa upplifað annað eins.

Viðskipti erlent 26.12.2008 18:48

Verðfall á olíu dregur fleiri ríki inn í kreppu

Hríðlækkandi olíuverð á heimsmarkaði er líklegt til að draga enn fleiri ríki í hringiðu heimskreppunnar að mati sérfræðinga. Útlit er fyrir halla á fjárlögum í olíuveldinu Sádí Arabíu og niðursveiflu í Sameinuðu arabísku furstadæmunum.

Viðskipti erlent 26.12.2008 18:30

Útsölurnar hefjast í Bretlandi í dag

Jólaútsölur í Bretlandi hefjast í dag. Neytendur tóku þó forskot á sæluna því útsölur hófust á aðfangadagskvöld á netinu.

Viðskipti erlent 26.12.2008 10:08

Kakó ekki dýrara í 23 ár

Heimsmarkaðsverð á kakóbaunum hefur ekki verið hærra í 23 ár og hefur verðið hækkað um 70% á árinu. Súkkulaðiframleiðendur segja að hækkunin muni velta beint út í verðlagið og því má búast við verð á einni af vinsælustu sælkeravörunni muni hækka á umtalsvert á nýju ári.

Viðskipti erlent 25.12.2008 17:00

Heimsmarkaðsverð á olíu aftur á niðurleið

Heimsmarkaðsverð á olíu er aftur á niðurleið eftir örskamma hækkun nú yfir jólin. Í gær lækkaði verðið um 10% og fór niður fyrir 35 dollara á tunnuna að nýju.

Viðskipti erlent 25.12.2008 14:05

Fjárfestir fyrir aðalinn í Evrópu framdi sjálfsmorð

René-Thierry Magon de la Villehuchet, fjárfestir fyrir auðugustu aðals- og konungsfjölskyldur Evrópu framdi sjálfsmorð á skrifstofu sinni á Þorláksmessu.

Viðskipti erlent 25.12.2008 11:07

Lítilsháttar hækkun á mörkuðum í Asíu

Þó markaðir séu víðast hvar lokaðir meðal annars í Evrópu og Bandaríkjunum vegna jólahátíðarinnar halda viðskipti áfram í Asíu.

Viðskipti erlent 25.12.2008 10:55

Salan á Kaupþingi í Luxemborg í uppnámi eftir afsögn Leterme

Salan á Kaupþingi í Luxemborg er í uppnámi eftir afsögn Leterme forsætisráðherra Belgíu. Í ljós hefur komið að salan var skilyrt því að belgíska ríkisstjórnin veitti lán til kaupanna en það hafði Leterme ekki tekist að tryggja áður en hann neyddist til að segja af sér.

Viðskipti erlent 25.12.2008 09:12