Innherji
Hærri markaðsvextir toga verðmat Ása niður þrátt fyrir bættar rekstrarhorfur
Verðmat á Ásum, áður Símanum, lækkar nokkuð frá fyrra mati þrátt fyrir að rekstrarspá hafi verið færð upp eftir kaup félagsins á Greiðslumiðlun Íslands. Hækkandi markaðsvextir vega þar þyngst en greinendur verðmeta hlutabréfin engu að síður langt yfir markaðsgengi.
Mælist til að bankarnir „safni eigin fé“ og séu umfram kröfur Seðlabankans
Núna þegar það kann að reyna á viðnámsþrótt fjármálakerfisins, meðal annars vega óróleika á alþjóðlegum mörkuðum og erfiðrar stöðu á byggingamarkaði, þá er ástæða fyrir viðskiptabankana að huga að því að „safna eigin fé“ og vera tilbúna til að takast á við möguleg áföll, að sögn seðlabankastjóra. Arðgreiðslur og kaup bankanna á eigin bréfum hafa verið með mesta móti að undanförnu og nema samtals yfir hundrað milljörðum frá áramótum.
Uppgjör milli hluthafa Hraunlóns skýrir stóra sölu í Síldarvinnslunni
Rúmlega fjögur hundruð milljóna króna sala eignarfélags í eigu núverandi og fyrrverandi lykilstjórnenda Síldarvinnslunnar, meðal annars forstjórans, kemur meðal annars til vegna uppgjörs milli hluthafanna. Hlutabréfaverð Síldarvinnslunnar lækkaði nokkuð við opnun markaða í morgun.
Auknar vaxtatekjur sagðar „skammtíma hvalreki“ sem gangi til baka á næsta ári
Útlit er fyrir að hagnaður Íslandsbanka verði talsvert meiri á seinni hluta ársins en þeim fyrri, samkvæmt nýrri greiningu, meðal annars samhliða stærri efnahagsreikningi og jákvæðum áhrifum hagræðingaraðgerða. Vaxtatekjur hafa drifið afkomuna áfram en greinendur telja að hluti tekjuaukningarinnar sé skammtímaávinningur af mikilli verðbólgu sem gangi til baka þegar líður á næsta ár.
Kólnandi hagkerfi og háir vextir gætu reynt á viðnámsþrótt fjármálakerfisins
Óróleiki í alþjóðlegu efnahagslífi og hátt vaxtastig hér á landi samhliða minnkandi efnahagsumsvifum gæti „reynt á viðnámsþrótt“ fjármálakerfisins, að mati fjármálastöðugleikanefndar Seðlabankans. Hún beinir sem fyrr einnig sjónum sínum að stöðunni á húsnæðismarkaði, sem einkennist af raunverðslækkunum og lengri sölutíma eigna, og segir þá þróun geta reynt á fyrirtæki í byggingariðnaði og aukið vanskil.
Hvenær má stjórnmálamaður miðla innherjaupplýsingum?
Starfa sinna vegna búa stjórnmálamenn stundum yfir viðkvæmum upplýsingum sem geta snert skráð félög. Til dæmis upplýsingum um áformaðar skattahækkanir, svo nærtækt dæmi sé tekið í íslensku samhengi.
Aukinn launakostnaður gæti kallað á enn frekara aðhald Seðlabankans
Þrátt fyrir vaxandi merki um kólnun í hagkerfinu, meðal annars á fasteignamarkaði, er útlit fyrir þráláta verðbólgu á komandi mánuðum og er þróunin á vinnumarkaði sögð geta ráðið miklu um hvort peningastefnunefnd Seðlabankans sjái ástæðu til frekara aðhalds. Spár flestra greinenda gera ráð fyrir að tólf mánaða verðbólgan hækki í nærri sex prósent í lok þessa mánaðar.
Innviðasjóður setur sig í stellingar fyrir sölu á stórum hlut í HS Veitum
Innlendur framtakssjóður sem fjárfestir í innviðatengdum verkefnum, ásamt tveimur einkafjárfestum, hefur fengið til liðs við sig ráðgjafafyrirtæki vegna áforma um að selja umtalsverðan eignarhlut í HS Veitum. Lífeyrissjóðir eru taldir líklegir til að vilja halda hlut sínum í fyrirtækinu.
Meta Blikastaðalandið á 23 milljarða en óvíst hvort „ásættanlegt“ verð fáist
Verðmæti Blikastaðalandsins, sem er í eigu dótturfélags Arion, er metið á um 23 milljarða króna í nýju verðmati á bankanum. Landið var nýlega sett í söluferli en greinendur telja óvíst hvort ásættanlegt verð fáist fyrir það við núverandi markaðsaðstæður.
Íhlutun SKE sögð „varpa skugga“ á vaxtaráform Ása
Óvissa um möguleg inngrip Samkeppniseftirlitsins vegna kaupa Ása á Öryggismiðstöð Íslands og Opnum kerfum varpar skugga á sókn félagsins, að mati greinenda IFS, sem segja íhlutun eftirlitsins koma á óvart. Verðmat á félaginu helst óbreytt og er það talið talsvert undirverðlagt á markaði.
Áhersla ESB á miðstýringu er „viðvarandi áskorun“ fyrir EES-samninginn
Aukin miðstýring innan Evrópusambandsins, sem meðal annars er ætlað að efla samkeppnishæfni álfunnar, gæti skapað hættu á „viðvarandi áskorunum“ fyrir EES-samninginn og stöðu Íslands í alþjóðakerfinu, að mati varaseðlabankastjóra fjármálastöðugleika. Hann segir breytta heimsmynd kalla á að Ísland leiti sér alþjóðlegs skjóls en styrki um leið eigin viðnámsþrótt.
Alvotech rauk upp í milljarðaviðskiptum vísitölusjóða eftir lokun markaða
Miklar sveiflur urðu á gengi fyrirtækja í Kauphöllinni í gær í margra milljarða króna viðskiptum í uppboði eftir lokun markaða þegar erlendir sjóðir voru að endurstilla stöður sínar í samræmi við breytingar á vigt félaga í vísitölum FTSE. Stærstur hluti fjármagnsins streymdi inn í Alvotech og hlutabréfaverð félagsins rauk því upp.
Seðlabankar styðjast við fleiri mælikvarða en skilaboðin verða óskýrari
Seðlabankar víða um heim hafa í auknum mæli horfið frá því að horfa til eins tiltekins mælikvarða á undirliggjandi verðbólgu og styðjast þess í stað við safn ólíkra mælikvarða. Þótt það kunni að gefa betri mynd af verðbólguþrýstingi í hagkerfinu er hætta á því, samkvæmt nýrri greiningu, að skilaboðin verði óskýr og almenningur eigi erfiðara með að átta sig á hvaða mælikvarðar ráða mestu við vaxtaákvarðanir.
Heimilin halda að sér höndum og kortaveltan skreppur saman milli ára
Heimilin virðist vera farin að halda að sér höndum í neyslu en kortavelta Íslendinga, miðað við fast gengi og verðlag, dróst talsvert saman í liðnum mánuði. Verðbóguvæntingar á skuldabréfamarkaði lækkuðu eilítið í fyrstu viðskiptum í morgun.
Skil ársreikninga til Sjúkratrygginga Íslands: Auknar kröfur til sérgreinalækna
Frá og með 1. janúar 2028 verður samningsaðilum Sjúkratrygginga Íslands þar á meðal sjálfstætt starfandi sérgreinalæknum, almennt skylt að afhenda stofnuninni ársreikninga sína, óháð því í hvaða félagaformi starfsemin er rekin. Umrædd breyting felur í sér auknar skyldur fyrir þá samningsaðila sem hingað til hafa ekki verið skyldugir til að gera ársreikning.
Alvotech nálgast sitt hæsta gildi á árinu þegar verðmatsgengið var tvöfaldað
Það hefur orðið umtalsverður viðsnúningur í mati greinenda Barclays á Alvotech sem hafa tvöfaldað verðmat sitt á líftæknilyfjafélaginu og ráðleggja fjárfestum núna að vera yfirvigtaðir. Hlutabréfaverð Alvotech hefur rokið upp en greinendur segja að verulega hafi dregið úr áhættu í rekstrinum eftir að FDA lauk útttekt sinni á verksmiðjunni í Reykjavík.
Hækkun bankaskatts þurrkar út nærri tíu milljarða af verðmati Arion
Fyrirhuguð hækkun sérstaks skatts á fjármálafyrirtæki lækkar verðmat Arion um nærri tíu milljarða króna, samkvæmt nýrri greiningu, en bankinn er eftir sem áður sagður á verulegum „afslætti“ miðað við verðlagningu norrænna banka á markaði. Með dekkri horfum í efnahagslífinu er útlit fyrir talsvert meiri virðisrýrnun af lánasafni Arion og það verði um fimm milljarðar á komandi ári.
Pútín er hvergi nærri því að láta undan
Pútín er reiðubúinn að halda þessu stríði áfram árum saman. Það er ekki vegna þess að ráðgjafar hans lofi honum skjótum sigri, þótt vel megi vera að þeir geri það. Stríðið er orðið innbyggt í pútínismann, rétt eins og pútínisminn er orðinn innbyggður í stríðið. Stjórnkerfi hans veitir honum frelsi til að gera það sem hann vill og arfleifð hans verður ekki lengur skilin frá stríðinu. Bæði Pútín og Rússland hafa búið sig undir langvinnt stríð.
Undirbúa risasölu á helmingshlut í HS Orku fyrir tugi milljarða
Breskur innviðasjóður hefur ákveðið að hefja undirbúning að mögulegri sölu á öllum helmingshlut sínum í HS Orku, þriðja stærsta raforkuframleiðanda Íslands, en verði af henni er ljóst að um yrði að ræða risastór viðskipti upp á tugi milljarða. Íslenskir lífeyrissjóðir eiga eftirstandandi hlut í orkufyrirtækinu og þurfa að setja sig í stellingar hvort þeir muni vilja nýta sér forkaupsrétt sinn.
Telja að hallinn geti orðið yfir fjörutíu milljarðar þrátt fyrir fyrirheit um afgang
Útlit er fyrir að afkoma ríkissjóðs á árinu 2027 verði umtalsvert lakari en lagt er upp með í nýju fjárlagafrumvarpi, að mati greinenda Acro, sem telja líklegustu sviðsmyndina vera halli upp á 43 milljarða. Forsendur frumvarpsins eru sagðar of bjartsýnar, „svo ekki sé fastar að orði kveðið“, miðað við hægari efnahagsumsvif og án frekari aðgerða sé erfitt að sjá hvernig markmið um fimm milljarða afgang geti gengið eftir.
Sendir röng skilaboð og hreyfir við verðbólguvæntingum á brothættum stað
Afleiðingarnar af því að boða hækkun á gjöldum ríkisins í samræmi við verðbólgu, sem hefur verið gert í síðustu tveimur fjárlagafrumvörpum, verða til þess að hreyfa við verðbólguvæntingum sem eru fyrir á „brothættum stað“, að sögn varaseðlabankastjóra, og að Seðlabankinn myndi gjarnan vilja sjá þetta endurhugsað. Hann segir jákvætt að aðhaldsstigið í ríkisfjármálum eigi að aukast á milli ára og varar við því að fara í meiri launahækkanir á vinnumarkaði, einkum núna þegar það er að myndast „mikill slaki í þjóðarbúinu.“
Seðlabankinn bætir í gjaldeyriskaupin þegar evran fór undir 140 krónu múrinn
Ekkert lát er á gengisstyrkingu krónunnar, meðal annars drifin áfram af góðum viðskiptakjörum í sumum útflutningsgreinum og innflæði í ríkisverðbréf, og í vikunni fór hún undir gildið 140 gagnvart evrunni í fyrsta sinn í fjögur ár. Seðlabankinn ákvað á sama tíma að bæta í reglubundin gjaldeyriskaup sín en segist samt telja að þau hafi „ekki teljandi áhrif“ á gengið við núverandi aðstæður.
Framkvæmdastjóri AGS varar við vítahring skulda, verðbólgu og hækkandi vaxta
Skuldir hins opinbera í heiminum stefna í að fara yfir hundrað prósent af landsframleiðslu innan áratugar og eru nú þegar þær mestu frá lokum síðari heimsstyrjaldar. Framkvæmdastjóri Alþjóðagjaldeyrissjóðsins varar við því að þrálát verðbólga og veik staða ríkisfjármála geti þrýst langtímavöxtum enn hærra og kallað á harðari peningastefnu hjá seðlabönkum margra ríkja.
Milljarðaútflæði og áfallið hjá Oculis minnkar slagkraft hlutabréfasjóða
Einn helsti hlutabréfasjóður Íslandssjóða, sem var með stórt veðmál á Oculis, hefur séð eignir sínar skreppa saman um rúmlega fjörutíu prósent það sem af er ári samhliða miklu útflæði og snarpri gengislækkun. Innlendir hlutabréfasjóðir sem beita virkri stýringu hafa allir átt undir högg að sækja undanfarið en samanlögð afkoma sjóðastýringafélaga stóð nánast í stað á fyrri árshelmingi.
Hver borgar skattinn að lokum?
Hallalaus fjárlög eru mikilvægt markmið. Skattkerfið þarf hins vegar að gera meira en að afla tekna. Það þarf einnig að vera fyrirsjáanlegt, sanngjarnt og samkeppnishæft. Breytingar á því þurfa að taka mið af raunverulegum áhrifum á fyrirtæki og heimili. Óskýrt er hvers vegna ekki eru farnar almennari leiðir til að hækka skatta ef það er markmiðið.
Veltan erlendis tvöfaldast með kaupum á Haman Group og fleiri yfirtökur í pípunum
Með kaupum á Haman Group tekur Travel Connect sitt stærsta skref til þessa í alþjóðlegri uppbyggingu samstæðunnar og tvöfaldar veltuna sína erlendis. Stjórnendur félagsins ætla að halda áfram yfirtökum á erlendum mörkuðum en segja auknar álögur stjórnvalda með engum fyrirvara og takmarkaða vaxtarmöguleika valda því að fjárfestingar samstæðunnar nýtist nú betur erlendis en á Íslandi.
Telja samþættingu JBT og Marel ganga betur en vænst var
Þrátt fyrir áskoranir þá eru hlutabréfagreinendur bjartsýnni en áður á að JBT-Marel nái fram fyrirhugaðri samlegð og rekstrarbata eftir samruna félaganna, samkvæmt nýrri greiningu. Hlutabréfaverð fyrirtækisins er talið verulega undirverðlagt á markaði.
„Sannkallað efnahagslegt og pólitískt sjálfsmark“ hjá ríkisstjórninni
Það „vekur furðu“ að ríkisstjórnin sé að endurtaka sömu mistökin frá því um áramótin með hækkunum á krónutölugjöldum sem ýtir undir verðbólguvæntingar og verðbólgu, að sögn sjóðstjóra á skuldabréfamarkaði, og kallar aðgerðirnar „sannkallað efnahagslegt og pólitískt sjálfsmark“ hjá stjórnvöldum. Aðhaldið sem er boðað í fjárlögunum er töluvert í sögulegu samhengi, með nokkuð minni útgjaldavexti milli ára en hefur sést að jafnaði síðasta áratuginn, en á móti benda greinendur á að viðsnúningurinn sem á að nást í afkomunni sé að litlum hluta vegna niðurskurðar eða aðhalds í rekstri.
Sameinaður lífeyrissjóður fer yfir tuttugu prósenta hlut í aðeins einu félagi
Þótt lífeyrissjóðirnir Gildi og Festa, sem hafa samþykkt að sameinast síðar á árinu, muni að óbreyttu fara með vel yfir fimmtungshlut í Reitum þá ættu þeir ekki að þurfa selja sig niður fyrir þau mörk með hraði eftir nýlegar lagabreytingar. Í júlí og ágúst stóð Gildi að umfangsmikilli sölu á bréfum í nokkrum Kauphallarfélögum fyrir samtals vel yfir tíu milljarða.
Fjárfestar veðja á meiri verðbólgu en áður eftir kynningu á fjárlagafrumvarpi
Þrátt fyrir áform um hallalausfjárlög á komandi ári, sem nemur 0,1 prósenti af landsframleiðslu, hafa skuldabréfafjárfestar tekið fremur illa í fjárlagafrumvarp ríkisstjórnarinnar en verðbólguvæntingar á markaði hafa hækkað umtalsvert í morgun. Fjármálaráðherra boðar að aðhaldsstig ríkisfjármálanna, sem er áætlað lítillega neikvætt á þessu ári, verði „allnokkuð“ en samhliða því er útlit fyrir að hreinn lánsfjárjöfnuður batni umtalsvert á árinu 2027.
