Fréttamaður

Elín Margrét Böðvarsdóttir

Elín Margrét er fréttamaður á fréttastofu Sýnar.

Nýjustu greinar eftir höfund

Boðar tíma­bundna heimild svo unnt sé að senda er­lenda fanga fyrr úr landi

Drögum að frumvarpi um fullnustu refsinga, sem varðar brottvísun og afplánun erlendra fanga hefur verið dreift í samráðsgátt stjórnvalda. Í drögunum er meðal annars gert ráð fyrir tímabundinni heimild til að veita erlendum föngum, sem ákveðið hefur verið að vísa úr landi að afplánun lokinni, reynslulausn þegar aðeins einn þriðji hluti refsitímans er liðinn. Samkvæmt gildandi lögum þarf helmingi afplánunar að vera lokið til að veita megi reynslulausn, en frumvarpsdrögin gera ráð fyrir að viðkomandi verði vísað úr landi þegar í stað við reynslulausn.

Gagn­rýnin byggi „að miklu leyti á mis­skilningi“

Ragnar Þór Ingólfsson, félags- og húsnæðismálaráðherra, segir að svo virðist sem misskilnings hafi gætt í umræðu um frumvarp Flokks fólksins er varðar tengingu almannatrygginga við launavísitölu. Málið hefur sætt mikilli gagnrýni en Ragnar vill meina að sú gagnrýni sé að miklu leyti byggð á misskilningi. Þegar sé sleginn varnagli í frumvarpinu sem komi í veg fyrir hinn svokallaða „tvöfalda lás“ sem hefur sætt gagnrýni.

VG vex og býður á stefnu­mót og Vor til vinstri leitar að fólki

Framboðið Vor til vinstri auglýsir nú eftir fólki sem hefur áhuga á að gefa kost á sér í komandi borgarstjórnarkosningum í Reykjavík. Sanna Magdalena Mörtudóttir fer fyrir framboðslistanum sem ætlar að bjóða fram í bandalagi við Vinstri græn í borginni í vor. Þá hefur félögum í Vinstri grænum í Reykjavík fjölgað um tæplega tuttugu prósent á síðustu vikum en VG heldur forval um efstu sæti sem falla í hlut VG á sameiginlegum lista flokkanna.

Engin svör að fá sem skýra „rán um há­bjartan dag“

Trúnaður ríkir um innihald samninga sem Keflavíkurflugvöllur gerir við rekstraraðila í flugstöðinni og sökum þessa getur Isavia ekki veitt upplýsingar um það hvaða skilyrði eru fyrir hendi í samningi flugvallarins við fyrirtæki sem rekur fjármálaþjónustu á Keflavíkurflugvelli. Hins vegar eru þeir samningar sem Keflavíkurflugvöllur gerir við rekstraraðila þess eðlis að þeir eru jafnan tengdir við veltu. Af því má ráða að Isavia fái meira upp úr krafsinu eftir því sem rekstraraðilar í flugstöðinni fá meira í kassann. Það tók níu mánuði að fá svör frá Isavia um samning vegna fjármálaþjónustu á flugvellinum, sem var á þá leið að ekki væri unnt að veita umbeðnar upplýsingar.

Ríkisfjármálaleg tíma­sprengja, mis­tök eða tíma­bært rétt­lætis­mál?

Varhugavert, ríkisfjármálaleg tímasprengja, möguleg hagstjórnarmistök í uppsiglingu og sjálfvirk útgjaldaaukning sem stuðlað getur að ósjálfbærni ríkissjóðs. Þessi orð hafa meðal annars verið notuð til að lýsa einu helsta þrætueplinu á Alþingi undanfarnar vikur. Hér er þó ekki verið að vísa í orð stjórnarandstöðunnar, heldur sérfræðinga, meðal annars úr röðum akademíunnar, Fjármálaráðs og fjármálaráðuneytisins. 

Hart var barist um kjör­bréf en línur á milli fylkinga ekki eins ljósar og áður

Ríflega 860 manns eru á kjörskrá fyrir 38. flokksþing Framsóknarflokksins sem fram fer í Reykjavík um helgina. Þar mun flokkurinn velja sér nýjan formann en ólíklegt þykir að allir sem eiga sæti muni mæta. Hörð barátta hefur verið um að tryggja kjörbréf, en samkvæmt heimildum fréttastofu eru dæmi um að stuðningsmenn formannsframbjóðenda hafi tryggt kjörbréf í gegnum flokksfélög til að koma í veg fyrir að stuðningsmenn hins frambjóðandans geti stutt sína konu. Þá eru allmargir flokksþingsfulltrúar sagðir óákveðnir og ekki eins skýrar línur á milli fylkinga líkt og stundum hefur verið áður.

Ár­sæll í veikinda­leyfi: „Mjög skrýtið að fá sleggju ríkis­stjórnar í and­litið“

Ársæll Guðmundsson, skólameistari í Borgarholtsskóla, er kominn í veikindaleyfi en hann gerir ráð fyrir að snúa aftur til starfa úr leyfi 1. apríl og sitja út sinn skipunartíma í embætti skólameistara sem að óbreyttu lýkur í júní. Hann segist hvorki hafa heyrt frá fyrrverandi né núverandi menntamálaráðherra og segir það vera alveg nýja upplifun eftir áratuga langan feril sem skólastjórnandi að verða fyrir „sleggju ríkisstjórnarinnar.“

Á­kærður fyrir líkams­á­rás en lýsir yfir sak­leysi

Tónlistarmaðurinn Stefán Jakobsson hefur verið ákærður fyrir líkamsárás en þingsetning var í málinu fyrir Héraðsdómi Reykjaness í dag. Stefán segist saklaus af þeim ásökunum sem á hann hafi verið bornar, en meint árás mun hafa átt sér stað í leigubíl í október árið 2023.

Rifust um Trump áður en faðir skaut dóttur sína til bana

Lucy Harrison, 23 ára bresk kona frá Warrington í Cheshire, var skotin til bana þann 10. janúar í fyrra þegar hún var í heimsókn hjá föður sínum í Prosper, nærri Dallas í Texas í Bandaríkjunum. Faðir Harrison er sagður hafa skotið dóttur sína í bringuna með þeim afleiðingum að hún lést, eftir að feðginin hafi átt í rifrildi um Donald Trump Bandaríkjaforseta.

Sjá meira

Mest lesið