Meistaradeildin

Keppni hinna bestu í Evrópu.

Garcia kemur Liverpool í 2-0

Luis Garcia var að koma Liverpool í 2-0 með hreint út sagt ótrúlegu mari. Garcia tók boltann á lofti af um 25 metra færi og þrumaði honum yfir Buffon og í bláhornið. Klárlega eitt af mörkum keppninnar hingað til.

Sport 5. apríl 2005 00:01

Vinátta yfirskrift leiksins

Hver einasti stuðningsmaður Juventus sem kemur á Anfield í kvöld fær armband sem er í litum Liverpool og Juventus með áletruninni „vinátta“, bæði á ensku og ítölsku. Þá ætla stuðningsmenn Liverpool að búa til mósaíkmynd í stúkunni með áletruninni „vinátta“.

Sport 5. apríl 2005 00:01

Mourinho treystir leikmönnum sínum

Jose Mourinho knattspyrnustjóri Chelsea, segist hafa fulla trú á að leikmenn sínir geti spjarað sig án hans gegn Bayern Munchen annað kvöld, en stjórinn tekur út bann í leiknum og má því eiga lítil sem engin afskipti af liðinu meðan á leik stendur.

Sport 5. apríl 2005 00:01

Liverpool sigraði Juventus

Liverpool sigraði Juventus í fyrri leik liðana í 8-liða úrslitum Meistaradeildar Evrópu á Anfield í kvöld með tveimur mörkum gegn einu. Leikurinn var mjög kaflaskiptur en Liverpool sýndi allar bestu hliðar fótboltans í fyrri hálfleik, en Juventus sýndi hvers vegna þeir eru eitt af bestu liðum álfunar í þeim seinni.

Sport 5. apríl 2005 00:01

Lehmann fær tveggja leikja bann

Þýski markvörðurinn Jens Lehmann hjá Arsenal hefur verið úrskurðaður í tveggja leikja bann í Evrópukeppni fyrir hegðun sína eftir tapið gegn löndum sínum í Bayern Munchen á dögunum.

Sport 5. apríl 2005 00:01

Carson og Le Tallec byrja

Markvörðurinn ungi, Scott Carson, og Frakkinn efnilegi Anthony Le Tallec eru báðir í byrjunarliði Liverpool sem mætir Juventus í fyrri leik liðanna í 8-liða úrslitum Meistaradeildar Evrópu á Anfield í kvöld. Þá er Xabi Alonso í hópnum

Sport 5. apríl 2005 00:01

Lyon og PSV skyldu jöfn

Lyon og PSV Eindhoven skyldu jöfn í fyrri leik liðana í Meistaradeild Evrópu í kvöld með einu marki gegn einu. Florent Malouda kom heimamönnum yfir á þrettándu mínútu en fyrrum Barcelona leikmaðurinn, Phillip Cocu, jafnaði ellefu mínútum fyrir leikslok. Liðin mætast að nýju, þá í Hollandi, eftir rúma viku.

Sport 5. apríl 2005 00:01

PSV búið að jafna

Phillip Cocu var að jafna fyrir PSV gegn Lyon á Stade de Gerland í Frakklandi í Meistaradeild Evrópu. Florent Malouda hafið áður komið Lyon yfir strax á 13. mínútu.

Sport 5. apríl 2005 00:01

Hálfleikstölur í Meistaradeildinni

Það er kominn hálfleikur í leikina tvo í Meistaradeild Evrópu sem fram fara í kvöld. Á Anfield er Liverpool 2-0 yfir gegn Juventus. Sami Hyypia kom þeim rauðu yfir á 11. mínútu með góðu skoti eftir hornspyrnu. Luis Garcia tvöfaldaði síðan forystuna með frábæru marki.

Sport 5. apríl 2005 00:01

Slagur sem vekur upp minningar

Átta liða úrslit meistaradeildarinnar hefjast með tveimur leikjum í kvöld. Franska liðið Lyon, sem tók Werder Bremen í bakaríið í sextán liða úrslitum, tekur á móti PSV frá Hollandi og Juventus sækir Liverpool heim á Anfield.

Sport 4. apríl 2005 00:01

Benitez vill halda hreinu

Rafa Benitez, knattspyrnustjóri Liverpool, segir það algjört lykilatriði fyrir lið sitt að halda hreinu á heimavelli sínum í fyrri leik sínum við Juventus í vikunni.

Sport 4. apríl 2005 00:01

Chelsea ætlar ekki að áfrýja

Chelsea ætlar ekki að áfrýja banni Jose Mourinho, en UEFA sektaði Chelsea um 33 þúsund pund og setti Mourinho í tveggja leikja bann eftir atvik sem upp kom í leik Chelsea gegn Barcelona í 16-liða úrslitunum.

Sport 4. apríl 2005 00:01

Del Piero vill gleyma Heysel

Alessandro del Piero vill nota Meistaradeildarleikinn gegn Liverpool annað kvöld til að ,,loka kafla" á mjög slæmri minningu. Eins og flestir vita mættust liðin tvö í úrslitum Evrópukeppninnar árið 1985 á Heysel leikvanginum þar sem 39 stuðningsmenn létust.

Sport 4. apríl 2005 00:01

Mourinho fær bann og sekt

Jose Mourinho hefur verið fundinn sekur um lygar af evrópska knattspyrnusambandinu og fær fyrir vikið tveggja leikja bann og tæplega 9000 punda sekt.

Sport 31. mars 2005 00:01

Oliver Kahn vill ná þrennunni

Oliver Kahn, landsliðsmarkvörður Þjóðverja, er sannfærður um að lið sitt, Bayern Munchen, muni vinna þrjá titla á tímabilinu.

Sport 30. mars 2005 00:01

Mourinho dregur orð sín til baka

Jose Mourinho, knattspyrnustjóri Chelsea, sem hefur verið ákærður fyrir munnsöfnuð og dylgjur í garð Anders Frisks, dómara frá Svíþjóð, eftir leik Barcelona og Chelsea í Meistaradeildinni í knattspyrnu, hefur dregið orð sín til baka og segist ekki hafa séð Frisk dómara ræða við Frank Rijkaard, þjálfara Barcelona, í leikhléi í fyrri viðureign liðanna.

Sport 29. mars 2005 00:01

Seldist upp á 90 mínútum

59 þúsund aðgöngumiðar á leik Bayern Munchen og Chelsea í fjórðungsúrslitum Meistaradeildar Evrópu þann 12. apríl nk. seldust upp á 90 mínútum. Þá hurfu 3000 aðgöngumiðar á fyrri leik liðanna á Stamford Bridge, sem stuðningsmenn Bæjara höfðu aðgang að, eins og dögg fyrir sólu.

Sport 21. mars 2005 00:01

Adriano ekki með gegn AC Milan?

Ólíkegt þykir að brasilíski sóknarmaðurinn Adriano getir leikið með liði sínu, Inter Milan er það mætir nágrannaliðinu AC Milan í 8-liða úrslita Meistaradeildar Evrópu í knattspyrnu.

Sport 21. mars 2005 00:01

Komu óorði á knattspyrnuna

Knattspyrnusamband Evrópu hefur kúvent í afstöðu til Chelsea og ákveðið að ákæra Jose Mourinho, stjóra félagsins, Steven Clarke aðstoðarstjóra og Les Miles, yfirmann öryggismála hjá Chelsea, fyrir að koma „óorði á knattspyrnuna“, eins og það er orðað.

Sport 21. mars 2005 00:01

Eiður Smári mætir Bæjurum

Í gær var dregið í átta liða og undanúrslit meistaradeildarinnar í fótbolta.

Sport 18. mars 2005 00:01

Liverpool tekst á við Juventus

Liverpool mætir Juventus í átta liða úrslitum Meistaradeildar Evrópu, en dregið var í höfuðstöðvum Knattspyrnusambands Evrópu í Nyon í Sviss í morgun. Þá mætir Chelsea Bayern München og Mílanóliðin AC Milan og Inter berjast um sæti í undanúrslitum. Loks mætir franska liðið Lyon hollenska liðinu PSV Einhoven. Fyrri leikir liðanna fara fram 5. og 6. apríl en þeir síðari viku síðar.

Sport 18. mars 2005 00:01

Ronaldo og Tacchinardi dæmdir

Miðjumaðurinn sterki hjá Juventus, Alessio Tacchinardi, og Ronaldo hjá Real Madrid voru í dag dæmdir í tveggja leikja bann af Uefa fyrir rauðu spjöldin sem þeir fengu í viðureignum liðanna í 16-liða úrslitum Meistaradeildar Evrópu í síðustu viku.

Sport 17. mars 2005 00:01

Dregið í Meistaradeildinni í dag

Dregið verður í 8-liða úrslitum Meistaradeildar Evrópu í knattspyrnu í dag en athygli vakti að Arsenal og Manchester United duttu út í 16-liða úrslitum á meðan Chelsea og Liverpool tryggðu sér áframhaldandi þátttökurétt í keppninni.

Sport 17. mars 2005 00:01

Inter yfir gegn Evrópumeisturunum

Inter Milan frá Ítalíu er komið yfir gegn Evrópumeisturum Porto, 1-0, í síðari leik liðann í 16 liða úrslitum Meistaradeildarinnar í knattspyrnu en leikurinn hófst kl. 19.45. Markið skoraði Brasilíumaðurinn Adriano strax á 6. mínútu með skoti innan úr vítateig en boltinn hafði viðkomu af Ricardo Costa í vörn gestanna.

Sport 15. mars 2005 00:01

Inter og Porto eigast við í kvöld

Í kvöld mætast Inter Milan og Porto í síðari leik liðanna í 16 liða úrslitum Meistaradeildar Evrópu í knattspyrnu. Leikurinn verður sýndur beint á Sýn en hann hefst klukkan 19.45. Liðin gerðu 1-1 jafntefli í fyrri leiknum í Portúgal 23. febrúar.

Sport 15. mars 2005 00:01

Adriano með þrennu og Inter áfram

Inter Milan frá Ítalíu er komið í 8 liða úrslit Meistaradeildar Evrópu í knattspyrnu eftir 3-1 sigur á Evrópumeisturum Porto í síðari leik liðann í 16 liða úrslitunum. Brasilíumaðurinn Adriano skoraði öll mörk heimamanna.

Sport 15. mars 2005 00:01

Beckham veðjar á Chelsea

David Beckham, leikmaður Real Madrid og enska landsliðsins hallast að því að Chelsea vinni meistaradeildina í ár.  Hann segir að liðinu hafi tekist að slípast fyrr saman en nokkur átti von á og hrósar Jose Mourinho öðrum fremur fyrir velgengni liðsins í tímabilinu.

Sport 15. mars 2005 00:01

Inter 2-1 yfir gegn Porto

Inter Milan frá Ítalíu er 2-1 yfir gegn Evrópumeisturum Porto í síðari leik liðann í 16 liða úrslitum Meistaradeildarinnar í knattspyrnu en leikurinn hófst kl. 19.45. Brasilíumaðurinn Adriano hefur skorað bæði mörk heimamanna.

Sport 15. mars 2005 00:01

Mourinho er óvinur fótboltans

Formaður dómaranefndar UEFA, evrópska knattspyrnusambandsins, Volker Roth, segir að það sé þjálfurum óbeint um að kenna þegar upp koma mál eins og það sem þvingaði Anders Frisk til að hætta dæmgæslu alfarið. Roth skellir skuldinni alfarið á Jose Mourinho þjálfara Chelsea og kallar hann "óvin fótboltans".

Sport 13. mars 2005 00:01

Pizarro vill ekki mæta Chelsea

Landsliðsmaður Perú og framherji Bayern Munchen, Claudio Pizarro, sagði í dag að hann vildi ekki mæta Chelsea í 8-liða úrslitum Meistaradeildar Evrópu, en dregið verður á föstudaginn eftir viku.

Sport 12. mars 2005 00:01

Mest lesið