Fiskaði rautt spjald í sigri

Dilane Bakwa kom Lille í forystu leiksins strax á fimmtu mínútu og virtist Lille ætla að valta yfir gestina. Lille sótti hart á Le Havre en liðið átti erfitt með að bæta öðru marki við.

Eftir því sem leið á leikinn byrjaði orka Lille að minnka og var staðan enn 1-0 í hálfleik. Hákon Arnar Haraldsson kom snemma inn á af varamannabekknum í seinni hálfleik og var ekki lengi að setja svip á leikinn.

Hákon Arnar var kominn í góða stöðu á vallarhelmingi Le Havre þegar varnarmaðurinn Ayumu Seko braut á honum. Fyrir brotið fékk hann að líta beint rautt spjald og var Le Havre manni færri það sem eftir var leiksins. 

Lille sótti mikið það sem eftir var leiks til þess að stækka forystu liðsins. Það gekk ekki en þrátt fyrir það fékk Lille öll þrjú stig leiksins. Lille er sem stendur á toppi frönsku úrvalsdeildarinnar en Monaco getur komist aftur yfir Lille þegar liðin mætast í kvöld.