Yoro ekki til Ís­lands

Yoro var í hópi U21 árs landsliðs Frakka sem mætir Íslandi á Pepsí-vellinum, heimavelli Þróttar, klukkan 15:00 á morgun.

Ibrahima Konaté, miðvörður Real Madrid, dró sig hins vegar úr A-landsliðshópi Frakklands í dag sökum hnémeiðsla og Yoro tekur sæti hans í fyrsta landsliðshópi Zinedine Zidane sem þjálfara franska liðsins.

Yoro verður því ekki í vörn franska liðsins sem mætir Íslandi á morgun. Hann er á meðal reynslumeiri manna í U21 hópnum sem er að mestu skipaður ungum leikmönnum sem eiga ekki marga U21 leiki að baki.

Leikjahæstur í hópi Frakka sem kemur hingað til lands er Lesley Ugochukwu, leikmaður Galatasaray, með tólf leiki og þá eru Mathys Tel og Ethan Mbappé einnig í hópnum.

Frakkland vann 2-1 sigur á Íslandi þegar liðin áttust við í mars síðastliðnum.

Sérlega mikilvægir leikir eru framundan hjá íslenska liðinu við Frakkland á morgun og Sviss á þriðjudag. Ísland berst fyrir 2. sæti riðilsins, umspilssæti fyrir EM U21 á næsta ári.

Frakkland er efst í riðlinum með 16 stig, Sviss í öðru sæti með 14 stig og Ísland með 11 stig í þriðja sæti.

Frakkland og Sviss mætast innbyrðis í lokaumferðinni 6. október en þá eiga strákarnir okkar leik við Færeyjar ytra.

Leikur Íslands og Frakklands er klukkan 15:00 á morgun og verður sýndur beint á Sýn Sport.