Ágúst til ADVEL

Í tilkynningu segir að Ágúst komi til ADVEL frá Kviku banka þar sem hann hafi starfað síðastliðin sex ár. 

„Hann býr yfir víðtækri reynslu af ráðgjöf til fyrirtækja, einkum á sviði fjármuna- og bankaréttar, félagaréttar og samkeppnisréttar. Í störfum sínum hjá Kviku hefur Ágúst öðlast yfirgripsmikla þekkingu á fjármálamörkuðum, regluverki þeirra og fjármögnun fyrirtækja.

Auk starfa sinna fyrir Kviku banka á Ágúst einnig að baki langa reynslu af lögmannsstörfum, en á árunum 2011 til 2020 starfaði Ágúst hjá LOGOS lögmannsþjónustu. Þá hefur hann jafnframt gegnt störfum sem varamaður í Úrskurðanefnd um viðskipti við fjármálafyrirtæki frá árinu 2023.

Ágúst lauk laganámi frá Háskóla Íslands árið 2013 og hlaut réttindi til málflutnings fyrir héraðsdómi árið 2016,“ segir í tilkynningunni.