Enski boltinn

Barry sendi Everton upp í fimmta sæti og Newcastle vann Hull

Sindri Sverrisson skrifar
Thierno Barry skoraði sigurmark Everton í dag og gerði raunar tvö mörk en það seinna var dæmt af.
Thierno Barry skoraði sigurmark Everton í dag og gerði raunar tvö mörk en það seinna var dæmt af. Getty/Molly Darlington

Everton er enn án taps í ensku úrvalsdeildinni í fótbolta eftir 1-0 sigur á heimavelli gegn nýliðum Ipswich í 5. umferð í dag. Newcastle varð fyrsta liðið til að vinna nýliða Hull, 2-1 á heimavelli.

Thierno Barry skoraði sigurmark Everton í dag en það kom strax á 11. mínútu. Liðið er nú með 9 stig í 5. sæti en Ipswich er með 6 stig.

Gestirnir frá Ipswich voru manni færri frá 67. mínútu eftir að Abdul Fatawu Issahaku fékk sitt seinna gula spjald fyrir leikaraskap. Skömmu áður hafði Barry komið boltanum aftur í netið en markið var dæmt af.

Newcastle komst í 2-0 gegn Hull á fyrstu sjö mínútunum, með mörkum frá Joe Willock og Lewis Hall.

Mohamed Ali Cho náði að minnka muninn fyrir gestina á 67. mínútu en það dugði skammt og fyrsta tap Hull staðreynd.

Hull og Newcastle eru því bæði með átta stig í 7. og 8. sæti.

Enski boltinn Everton FC Newcastle United Hull City AFC Ipswich Town FC

Mest lesið


Fleiri fréttir

Sjá meira


×

Mest lesið