Um þriðjungur þjóðarinnar horfði á síðasta fréttatímann

Boði Logason skrifar 2. september 2026 10:14

Kolbeinn Tumi Daðason, ritstjóri fréttastofu Sýnar, les hér síðasta sjónvarpsfréttatíma Sýnar. Vísir/Anton Brink

Tæplega þriðjungur þjóðarinnar horfði á síðasta sjónvarpsfréttatíma Sýnar sem sendur var út á mánudagskvöld.

Þetta sýna rafrænar ljósvakamælingar Gallup.

Það sem af er ári hefur meðaláhorf á sjónvarpsfréttir Sýnar verið um 47 þúsund manns eða 17,4% þjóðarinnar. Á síðasta fréttatímann horfðu rúmlega 88 þúsund manns eða 32.8% þjóðarinnar. Það gerir 88% meira áhorf en að meðaltali. Tekið skal fram að um er að ræða fólk í aldurshópnum 12 til 80 ára.

Kolbeinn Tumi Daðason, ritstjóri fréttastofu Sýnar, þakkar áhorfendum fyrir fylgdina síðustu 40 ár. „Við höfum fengið margar kveðjur og fundið fyrir miklum stuðningi eftir síðasta tímann á mánudaginn svo það er mjög gleðilegt að sjá hve margir fylgdust með,“ segir Kolbeinn Tumi.

„Eftir sorgina á mánudaginn höfum við átt góð samtöl með starfsfólkinu og ég finn fyrir mikilli orku og spennu í hópnum fyrir framhaldið. Vísir er mest lesni vefmiðill landsins, Bylgjan er vinsælasta útvarpsstöð landsins og samkvæmt nýjustu mælingum bera landsmenn traust til okkar. Við ætlum sannarlega að gera okkar allra besta til að standa undir því trausti.“

Aðspurður um framhaldið segir Kolbeinn Tumi:

„Við verðum áfram á vettvangi þar sem hlutirnir gerast, í beinum útsendingum og með lifandi fréttaflutningi. Hér starfar frábært fólk á öllum sviðum og við stefnum á að gera frábæra hluti saman fyrir fólkið í landinu.“

Vísir er í eigu Sýnar.

Sýn Fjölmiðlar Kvöldfréttir

Tengdar fréttir

„Ríkið á stóra sök á þessu“

Fyrsti fréttastjóri Stöðvar 2 segir það að hluta til sök ríkisins að kvöldfréttir Sýnar, áður Stöðvar 2, hafi verið lagðar niður. Staðan sé dapurleg.

31. ágúst 2026 18:09

„Við segjum ekki bless, við segjum takk“

Kolbeinn Tumi Daðason ritstjóri fréttastofunnar þakkaði áhorfendum kvöldfrétta Sýnar fyrir að hafa kveikt á sjónvarpinu dag hvern í fjörutíu ár. Hann kvaddi hins vegar ekki þar sem fréttaflutningurinn heldur áfram.

31. ágúst 2026 19:59

Síðasti kvöldfréttatími Sýnar

Síðasti kvöldfréttatími Sýnar hefst klukkan 18:30 í kvöld. Líkt og ávallt er um stútfullan fréttatíma að ræða. Við rifjum upp góð augnablik í tæplega fjörutíu ára sögu kvöldfrétta og verðum í beinni útsendingu um allan bæ.

31. ágúst 2026 18:11

Líka slæmar fréttir fyrir Rúv

Fréttastjóri Ríkisútvarpsins segir það einnig slæm tíðindi fyrir Rúv að missa þá samkeppni og samanburð sem hverfur þegar Sýn hættir með sínar sjónvarpsfréttir. Frá og með morgundeginum verður ríkisrekni fjölmiðillinn sá eini sem sendir út fréttatíma í sjónvarpi.

31. ágúst 2026 17:41

Reiðarslag fyrir fréttaflutning á Íslandi

Viðbrögðin við ákvörðun stjórnar Sýnar að hætta útsendingum kvöldfrétta Sýnar og áður Stöðvar 2 hafa verið blendin. Flestir sem tjá sig lýsa yfir dapurleika vegna þessarar niðurstöðu og óttast að ríkið sé nú eitt um að flytja fólki sjónvarpsfréttir – teljist ekki góðar tvíbökur.

31. ágúst 2026 12:43

Dapurlegt að sjá á eftir kvöldfréttum Sýnar

Logi Einarsson menningar- og nýsköpunarráðherra segir áfall að heyra að kvöldfréttir Sýnar verði lagðar niður en síðasti sjónvarpsfréttatíminn fer í loftið í kvöld, eftir tæplega fjörutíu ára sögu.

31. ágúst 2026 12:03

Sýn leggur niður sjónvarpsfréttir

Sýn hefur ákveðið að hætta framleiðslu og útsendingu sjónvarpsfrétta frá og með 1. september 2026. Síðasti sjónvarpsfréttatíminn verður sendur út í kvöld á Sýn. Breytingarnar hafa í för með sér uppsagnir.

31. ágúst 2026 09:01