Albert til Lazio og kaupákvæði fylgir með

Þetta kemur fram í fréttatilkynningu sem Lazio hefur sent frá sér þar sem tekið er sérstaklega fram að ákvæði sé í samkomulagi félagsins við Fiorentina að hægt sé að kaupa Albert að lánsdvölinni lokinni.

Albert er 29 ára gamall og hefur verið á mála hjá liðum á Ítalíu síðan árið 2022 er hann gekk í raðir Genoa. 

Hann hefur síðan spilað fyrir Fiorentina og á að baki alls 105 leiki í ítölsku úrvalsdeildinni þar sem að hann hefur skorað 26 mörk og lagt upp 10. 

Hjá Lazio mun Albert spila undir stjórn ítalska skaphundsins Gennaro Gattuso.

Lazio er sem stendur í 6. sæti ítölsku úrvalsdeildarinnar með fullt hús stiga eftir fyrstu tvær umferðir deildarinnar.