Gylfi: Fjár­festum í leik­mönnum því þjálfarateymið er ó­dýrt

„Mér fannst Blikar hefðu átt að skora fleiri mörk. Þetta var ekki gott í fyrri hálfleik. Við erum mjög ósátt með fyrri hálfleikinn en mjög ánægð með seinni hálfleikinn og ég hef ekkert á móti því að koma hingað og tapa með einu marki ef við spilum eins og í síðari hálfleik.“

„Mér fannst fannst þetta svart og hvítt hjá okkur. Mér er alveg sama hvað Breiðablik var að gera. Hrós á þær að koma hingað eftir erfitt ferðalag og svo eiga þær mikilvægan leik gegn FH á laugardaginn,“ sagði Gylfi Tryggvason í viðtali eftir leik.

Gylfi var afar ánægður með hvernig hans lið spilaði í seinni hálfleik og að hans mati fór liðið að fylgja leikplani betur.

„Mér fannst við ekki fylgja leikplani í eina mínútu í fyrri hálfleik. Við þurftum fimmtán mínútur til að fara aftur yfir planið og þá voru allir leikmenn á sömu blaðsíðu.“

Grindavík/Njarðvík hefur fengið til sín leikmenn í glugganum og Agla María Albertsdóttir, leikmaður Breiðabliks, hafði orð á því í viðtali við Vísi í dag að það væri nóg til hjá liðinu. Aðspurður út í þau ummæli sagði Gylfi að þjálfarateymið væri ódýrt.

„Við erum með ódýrt þjálfarateymi þá geturðu leyft þér að fjárfesta í leikmönnum,“ sagði Gylfi að lokum.