Andri Lucas aftur á skotskónum eftir meiðsli

Um fyrsta mark Andra Lucasar var að ræða eftir að hann jafnaði sig á meiðslum sem héldu honum lengi frá á síðasta tímabili. Síðast skoraði hann í desember undir lok síðasta árs gegn Millwall í ensku B-deildinni.

Mark Andra kom á 81.mínútu leiksins og með því var staðan orðin jöfn, 1-1. Skömmu eftir jöfnunarmarkið tryggði Jayden Fevrier Blackburn sigur með marki á 89.mínútu.

Lokatölur 2-1 sigur Blackburn en Andri Lucas kom inn á sem varamaður á 62.mínútu.

Annar Íslendingur var á skotskónum með sínu liði í enska deildarbikarnum í dag. Benóný Breki Andrésson skoraði úr sinni vítaspyrnu þegar að Stockport County féll úr leik eftir tap í vítaspyrnukeppni gegn Doncaster Rovers. Doncaster hafði betur, 5-4, í vítaspyrnukeppninni.