Von á lægðarsvæði í átt að landinu úr suð­vestri

Er þetta meðal þess sem kemur fram á vef Veðurstofu Íslands en þar segir einnig að lægðinni muni fylgja enn meiri rigning eða súld á morgun, en þurrt fram eftir degi norðaustantil. Hiti verður svipaður út vikuna, 8 til 18 stig, hlýjast á Austurlandi.

Bætir í vind með komandi lægð og á föstudag má gera ráð fyrir allt að fimmtán metrum á sekúndu norðvestanlands en þar verður einnig svalast. Eftir helgi er svo útlit fyrir minnkandi vætu og fer að hlýna á ný.

Veðurhorfur á landinu næstu daga.

Á fimmtudag: Suðlæg eða breytileg átt, 3-10 m/s, en norðaustan 10-15 norðvestantil þegar líður á daginn. Rigning eða súld, en þurrt fram eftir degi norðaustantil. Hiti 8 til 16 stig, hlýjast á Austurlandi.

Á föstudag: Norðaustan og austan 5-15 m/s, hvassast norðvestanlands, og rigning eða súld, einkum sunnanlands. Hiti 8 til 15 stig, svalast norðanlands.

Á laugardag: Norðan og norðaustan 8-15 m/s. Lengst af rigning um austanvert landið og með norðurströndinni, en annars skýjað með köflum og víða þurrt. Hiti breytist lítið.

Á sunnudag: Norðlæg átt og rigning eða súld um norðanvert landið og jafnvel slydda til fjalla, en þurrt sunnantil. Hiti 5 til 12 stig, hlýjast syðst.

Á mánudag: Útlit fyrir minnkandi norðlæga átt og vætu norðan- og austantil, en annars þurrt að mestu og heldur hlýnandi á ný.

Á þriðjudag: Útlit fyrir norðlægar eða breytilegar áttir og milt veður.