Ný ESB-könnun, skip­verjar Bandero og ó­þarfa hætta á Hverfis­götu

Í könnun Maskínu var spurt hvaða áhrif vextir, verð og varanleg yfirráð yfir sjávarauðlindinni hefðu á afstöðu fólks í fyrirhugaðri þjóðaratkvæðagreiðslu um áframhaldandi aðildarviðræður við Evrópusambandið. Rætt verður um niðurstöðurnar við þáttastjórnendur Korter í kosningar.

Við ræðum einnig við skipverja á Bandero um stöðu þeirra.

Hjólreiðamenn og fólk á rafhlaupahjólum fara ítrekað á móti umferð á Hverfisgötu. Formaður Landssamtaka hjólreiðamanna segir að bæta þurfi vegmerkingar við götuna, enda geti það skapað óþarfa hættu þegar fólk hjólar vitlausu megin.

Þá ræðum við Þorbjörgu Sigríði Gunnlaugsdóttur dómsmálaráðherra um atburðarásina í Ceuta, viðbrögð Schengen-ríkjanna og þær sérstöku reglur sem gilda um spænska landsvæðið í Norður-Afríku.

Þetta og meira til í kvöldfréttum á samtengdum rásum Sýnar, Bylgjunnar og Vísis