Þrír látnir eftir skot­hríð á matarhátíð í Seattle

Á meðal hinna særðu er tveggja ára gamall drengur sem þó er sagður í stöðugu ástandi. Einn er í haldi lögreglu vegna málsins en lögregla telur að tveir hafi verið viðriðnir málið og er hinns nú leitað.

Talið er að mennirnir tveir hafi átt í deilum og að skotbardagi hafi brotist út í mannþrönginni en atvikið átti sér stað í grennd við Geimnálina, eitt helsta kennileiti Seattle borgar þar sem fram fór fjölmenn matarhátíð.

Óljóst er hvað tilefni deilnanna var en borgastjóri Seattle segir í yfirlýsingu að byssuofbeldi sé allt of algengt vandamál í borginni sem og í Bandaríkjunum í heild sinni.